ਆਪਣੀ ਜ਼ਿੰਦਗੀ ਬਾਰੇ ਸ਼ਿਕਾਇਤਾਂ ਕਰਨ ਵਾਲਿਓ ਸੀਰੀਆ ‘ਚ ਹੋ ਰਹੇ ਅਣਮਨੁੱਖੀ ਘਾਣ ਵੱਲ ਦੇਖ ਕੇ ਸੋਚੋ ਕਿ ਸਾਡੇ ‘ਤੇ ਦਾਤੇ ਦੀ ਕਿੰਨੀ ਮਿਹਰ ਹੈ ਕਿ ਛੱਤ ਹੇਠਾਂ ਬੈਠੇ ਹਾਂ, ਖਾਣ ਲਈ ਬਹੁਤ ਕੁਝ ਹੈ ਤੇ ਟੱਬਰ ਵਿੱਚ ਬੈਠੇ ਬੱਚਿਆਂ ਨਾਲ ਖੁਸ਼ ਹਾਂ।
ਰੱਬਾ ਸੀਰੀਅਨ ਲੋਕਾਂ ‘ਤੇ ਮਿਹਰ ਕਰ। ਜ਼ਾਲਮਾਂ ਦੀਆਂ ਲਗਾਮਾਂ ਖਿੱਚ, ਜੋ ਆਪਣੇ ਫਾਇਦਿਆਂ ਲਈ ਮਨੁੱਖਤਾ ਨੂੰ ਕੋਹ ਰਹੇ ਹਨ।
ਕੀ ਅਸੀੰ ਆਪੋ ਆਪਣੀਆਂ ਸਰਕਾਰਾਂ ‘ਤੇ ਇਹ ਜ਼ੁਲਮ ਖਤਮ ਕਰਵਾਉਣ ਲਈ ਦਬਾਅ ਨਹੀਂ ਪਾ ਸਕਦੇ? ਪਾ ਸਕਦੇ ਹਾਂ, ਪਰ ਪਤਾ ਨੀ ਕੀ ਉਡੀਕ ਰਹੇ ਹਾਂ।
- ਗੁਰਪ੍ਰੀਤ ਸਿੰਘ ਸਹੋਤਾ
ਸੀਰੀਆ ਤੇ ਪੰਜਾਬ
ਸੀਰੀਆ ਤੋਂ ਆ ਰਹੀਆਂ ਹਿਰਦੇਵੇਧਕ ਤਸਵੀਰਾਂ ਦੇਖ ਦੇਖ ਹਰੇਕ ਇਨਸਾਨ ਦਾ ਦਿਲ ਦੁਖਦਾ ਹੈ। ਕੁਝ ਸੱਜਣ ਪੁੱਛਦੇ ਹਨ ਕਿ ਇਹ ਲੜਾਈ ਆਖਰ ਹੈ ਕੀ ਤੇ ਕਿਸ ਪਿੱਛੇ?
ਸੱਜਣੋ ਸੰਖੇਪ ‘ਚ ਇੰਨਾ ਸਮਝ ਲਵੋ ਕਿ ਅਮਰੀਕਾ, ਰੂਸ ਅਤੇ ਮੱਧ ਏਸ਼ੀਆ ਦੇ ਮੁਸਲਿਮ ਮੁਲਕ ਆਪਣੀ ਹਊਮੈਂ ਅਤੇ ਕੁਦਰਤੀ ਸਾਧਨਾਂ ‘ਤੇ ਕਬਜ਼ੇ ਦੀ ਲੜਾਈ ਸੀਰੀਆ ਦੀ ਧਰਤੀ ‘ਤੇ ਲੜ ਰਹੇ ਹਨ।
ਇਸ ਤੋਂ ਸਮਝਣ ਵਾਲੀ ਗੱਲ ਤੇ ਤੌਖਲਾ ਇਹ ਹੈ ਕਿ ਜੇਕਰ ਕੱਲ ਨੂੰ ਹਿੰਦੁਸਤਾਨ, ਪਾਕਿਸਤਾਨ ਅਤੇ ਚੀਨ ਵਿਚਾਲੇ ਜੰਗ ਲਗਦੀ ਹੈ ਤਾਂ ਸੀਰੀਆ ਵਾਲਾ ਹਾਲ ਸਾਡੇ ਪਿਆਰੇ ਪੰਜਾਬ ਦਾ ਹੋ ਸਕਦਾ। ਇਨ੍ਹਾਂ ਤਾਕਤਾਂ ਨੇ ਜੰਗ ਦਾ ਮੈਦਾਨ ਲਹਿੰਦਾ ਤੇ ਚੜ੍ਹਦਾ ਪੰਜਾਬ ਬਣਾਉਣਾ, ਜੋ ਸਾਡੀ ਸੱਭਿਅਤਾ ਦਾ ਪੰਘੂੜਾ ਹੈ।
ਜੰਗ ਜੰਗ ਕੂਕਣ ਵਾਲੇ ਸੀਰੀਆ ਵੱਲ ਦੇਖ ਕੇ ਜੰਗ ਦੀ ਭਿਆਨਕਤਾ ਤੱਕ ਲੈਣ।
- ਗੁਰਪ੍ਰੀਤ ਸਿੰਘ ਸਹੋਤਾ
ਦੇਖੋ ਸੀਰੀਆ ਵਿਚ ਕਿਵੇਂ ਜ਼ੁਲਮ ਹੋ ਰਿਹਾ... ਨਾਂ ਕੌਈ ਮੀਡਿਆ ਬੋਲਦਾ ਨਾ ਮਨੁੱਖੀ ਅਧਿਕਾਰਾਂ ਵਾਲੇ
