Superstar Rajinikanth on Monday heaped praise on Nayanthara’s latest outing Aramm. Having watched the film in a special screening, Rajinikanth said he was really touched by the film and appreciated the whole team.

సూపర్‌స్టార్ రజనీకాంత్ సాధారణంగా ఏ అంశంపైనైనా ఆచీతూచీ స్పందిస్తుంటారు. ఎవరైనా మంచి పనిచేసినా.. లేదా ఏదైనా గొప్పగా చిత్రం రూపొందించినా ఏ మాత్రం తడబాటు లేకుండా నిక్కచ్చిగా తన అభిప్రాయం చెబుతుంటారు. తాజాగా నయనతారపై, ఆమె నటించిన అరమ్ చిత్రంపై రజనీకాంత్ ప్రశంసల జల్లు కురిపించారు. నయనతార నటించిన అరమ్ చిత్రం తమిళనాట విడుదలై విజయ ఢంకా మోగిస్తున్నది. అరమ్ చిత్రాన్ని చూసిన అనంతరం నయనతార నటనకు రజనీకాంత్ కితాబిచ్చారు.
దేశ వ్యవస్థలో ఉన్న అవకతవకాలు, విధానాల లోపాలపై సినీ విమర్శనాస్త్రం సంధిస్తూ వచ్చిన చిత్రం ఆరమ్. ఈ చిత్రంలో నయనతార కలెక్టర్ పాత్రను పోషించారు. లోతైన బావిలో పడిన ఓ బాలిక ఉదంతం ఆధారంగా ఈ చిత్రం తెరకెక్కింది. ప్రజా సమస్యలపై అధికారులు, రాజకీయ నేతల పనితీరును ప్రశ్నించే చిత్రంగా రూపొందింది.