الأوضاع في سيناء و ما يجري على الأرض فيها .. في من جديد

‫
اهلا و سهلا بكم و مرحبا
يوم جديد بنرحب فيه بحضراتكم و بنتابع ايه اللى بيحصل
النهاردة نقدر نقول اول ملف مجتمعي بيتفتح لقضية بالغة الاهمية في كل البيوت المصرية
التعليم الثانوي و مستقبل اولادنا ...
المشكلة اللى كلنا في بيوتنا بنشتكي منها و ندور لها على حل
الثانوية العامة و نظام التعليم....... كابوس في كل بيت
كل مرحلة نلاقي اقتراحات و تعديلات ..
و ما نصدق الأمور تهدي و تستقر ... الا و نلاقي تعديلات جديدة
النهاردة في مؤتمر صحفي اعلن وزير التعليم عن مشروع قانون جديد للثانوية يدمج بين التعليم الفني و التعليم العام
طيب هي ايه المشكلة بالظبط في نظام التعليم الثانوي؟؟
و ايه العلاقة بين النظامين الفني و العام؟؟
و هل الدمج بين التعليم العام و الفني يحل لنا مشكلة التعليم الثانوي
و الاهم طبعا هل حيحل لنا مشكلة الثانوية العامة ؟؟ علشان الاسر و الاهالي تستريخ شوية
علي كل حال ده موضوعنا اللى حنناقشه مع حضراتكم في فقرتنا التانية النهاردة
خلينا نشوف ايه المقصود بالظبط بتعديل قانون التعليم الثانوي ؟؟
و حيأثر ازاي على ابنائنا ؟؟ و كمان على مستقبل البلد ؟؟
طيب
من الناحية التانية بقي .. الاخبار من سيناء مهمة و الحرب على الارهاب شكلها بتتصاعد
بقالنا يومين بنستقبل اخبار عن سقوط ارهبيين قتلي و مصابين و القبض على بعضهم
بنسمع كمان عن دك مواقع للارهابيين في سيناء.. و عن تحقيقات مع بعض المقبوضعليهم و بعدها على طول بنسمع عن نجاحات تانية
ايه الى بيحصل في سيناء؟؟ ايه حكاية الحمساوية اللى بنسمع عنهم كتير دلوقتي في سيناء؟؟ و بيعملوا ايه مع الارهابيين و التنظيمات المتطرفة على ارضنا؟؟
مش حاطول عليكم في الاسئلة و حارحب بضيفنا الكريم اليوم الدكتور سمير غطاس الباحث في الشأن الفلسطيني و مدير مركز مقدس للدراسات و حوار حول سيناء
اهلا و سهلا بك يا دكتور سمير
.. تابعونا على https://www.facebook.com/MenGadid