ရွှေဝါရောင်အရေးအခင်းမှာ သေဆုံးခဲ့တဲ့ ဂျပန်သတင်းထောက်အတွက် အမှတ်တရပွဲ

ရွှေဝါရောင်သံဃာ အရေးအခင်းကာလမှာ သတင်းရယူရင်း သေနတ်ထိမှန် သေဆုံးသွားခဲ့တဲ့ ဂျပန်သတင်းထောက် နာဂါအိစံ ကွယ်လွန်ခြင်း ၁၀ နှစ်ပြည့်အနေနဲ့ ဆုတောင်းပွဲ ပြုလုပ်ခဲ့ပါတယ်။ ဆုတောင်းပွဲကို ဒီကနေ့ စက်တင်ဘာလ ၂၇ ရက်နေ့ မနက် ၁၀ နာရီခန့်က နာဂါအိစံ သေနတ်နဲ့ ပစ်ခံရတဲ့ ရန်ကုန်မြို့ ဆူးလေဘုရားလမ်းနဲ့ အနော်ရထာလမ်းထောင့်မှာပြုလုပ်ခဲ့တာပါ ။

သူကွယ်လွန်ခဲ့တဲ့နေရာမှာ ဝမ်းနည်းခြင်း အထိမ်းအမှတ် ပန်းစည်းချခဲ့ပီး နာဂါအိစံအပါအဝင် အရေးအခင်းမှာ ကွယ်လွန်ခဲ့ကြတဲ့သူတွေ အတွက် ဆုတောင်းမေတ္တာပို့သခဲ့ကြပါတယ်။

ဒီဆုတောင်းပွဲကို ၂၀၀၇ ရွှေဝါရောင်အရေးအခင်းမှာ ပါဝင်ခဲ့တဲ့ သတင်းသမားတစ်ဦးနဲ့ ကဗျာဆရာတစ်ဦးတို့က ဦးဆောင်ပြုလုပ်ခဲ့တာပဲဖြစ်ပါတယ်။ ၂၀၀၇ ရွှေဝါရောင်အရေးအခင်းမှာ အင်အားသုံးဖြိုခွင်းမှုတွေ ပြုလုပ်ခဲ့တာကြောင့် ဂျပန်သတင်းထောက် အပါအဝင် ရဟန်းရှင်လူပြည်သူအချို့ သေဆုံးမှုတွေရှိခဲ့ပါတယ်။

ရုပ်သံသတင်းထောက်- ယဉ်မွန်