ရွှေဝါရောင် တော်လှန်ရေး ဆယ်နှစ်ပြည့်မှာ ဘာတွေပြောကြသလဲ

၂၀၀၇ ခုနှစ် စက်တင်ဘာတုန်းက ကမ္ဘာသိတဲ့ ဆန္ဒဖော်ထုတ်မှုတစ်ခု ဖြစ်ခဲ့တဲ့ ရွှေဝါရောင် တော်လှန်ရေးဟာ ဒီနေ့ဆိုရင် ဆယ်နှစ်ပြည့်မြောက်ခဲ့ပြီ ဖြစ်ပါတယ်။ သင်္ကန်းကျွန်းမြို့နယ်က ကျိုက္ကဆံ ဓမ္မပိယသာသနာ့ရိပ်သာမှာ နိုင်ငံလုံးဆိုင်ရာ ရွှေဝါရောင် တော်လှန်းရေး ဆယ်နှစ်ပြည့် အခမ်းအနားကျင်းပခဲ့ပါတယ်။

အဲဒီအချိန်တုန်းက သံဃာတော်တွေဦးဆောင်တဲ့ ဆန္ဒဖော်ထုတ်မှုကို အစိုးရက အကြမ်းဖက်ဖြိုခွင်းခဲ့တဲ့အတွက် လူများစွာ ထိခိုက်သေဆုံးမှုတွေ ရှိခဲ့ပါတယ်။ အဲ့ဒီဆန္ဒဖော်ထုတ်ပွဲကို သတင်းရယူနေတဲ့ ဂျပန်သတင်းထောက်တစ်ဦးလည်း သေနတ် ထိမှန်သေဆုံးခဲ့ပါတယ်။

ဒီကနေ့ ဆယ်နှစ်ပြည့်မှာ ဂျပန်သတင်းထောက် မိသားစုကို သံရုံးကတဆင့် အောက်မေ့ဖွယ် အမှတ်တရာ ပေးပို့နိုင်ဖို့ တက်ရောက်လာသူတွေက ဂျပန်သတင်းထောက် ဓာတ်ပုံပါ ဗီနိုင်းမှာ အမှတ်တရ လက်မှတ်ရေးထိုးပေးခဲ့ကြတာ တွေ့ရပါတယ်။

ရုပ်သံ သတင်းထောက်- အလှလေး သူဇာ