မိဘမဲ့ဂေဟာတွေနဲ့ ဘုန်းတော်ကြီးသင်ပညာရေးကျောင်းတွေမှာကလေးငယ်တွေကိုကာကွယ်ဆေးထိုးပေးမယ်

ရွှေ့ပြောင်းအခြေချနေထိုင်သူတွေများတဲ့ ရန်ကုန်တိုင်းနဲ့ မန္တလေးတိုင်းက မိဘမဲ့ဂေဟာတွေနဲ့ ဘုန်းတော်ကြီးသင် ပညာရေးကျောင်းတွေမှာရှိတဲ့ ကလေးငယ်တွေကို ဒီနှစ်ထဲမှာ ရောဂါကာကွယ်ဆေးတချို့ ထိုးနှံပေးသွားမှာဖြစ်တယ်လို့ ကျန်းမာရေးနဲ့ အားကစားဝန်ကြီးဌာနမှ သတင်းရရှိပါတယ်။

ပုံမှန်ကာကွယ်ဆေးတချို့ မထိုးရသေးတဲ့ အသက်(၁၅)နှစ်အောက် ကလေးငယ်တွေကို ထိုးပေးမှာဖြစ်ပြီး အဓိကအနေနဲ့ ၀က်သက်၊ ဂျိုက်သိုး၊ ဆုံဆို့နာနဲ့ ပိုလီယို ရောဂါကာကွယ်ဆေးတွေကို ထိုးပေးမှာဖြစ်တယ်လို့ သိရပါတယ်။

ရန်ကုန်နဲ့ မန္တလေးတိုင်းက မိဘမဲ့ဂေဟာတွေနဲ့ ဘုန်းတော်ကြီးသင်ပညာရေးကျောင်းတွေမှာရှိတဲ့ ကလေးငယ်တွေကို ကာကွယ်ဆေးထိုးဖို့အတွက် စာရင်းကောက်ထားရာ ကလေးငယ် ခုနစ်သောင်းဝန်းကျင်ရှိတယ်လို့ သိရပါတယ်။

ကာကွယ်ဆေးထိုးပေးရာမှာလည်း ကျန်းမာရေးဝန်ထမ်းတွေက မိဘမဲ့ဂေဟာတွေနဲ့ ဘုန်းတော်ကြီးသင် ပညာရေးကျောင်းတွေကို ကိုယ်တိုင်သွားရောက်ပြီး ထိုးနှံပေးဖို့ စီစဉ်ထားတယ်လို့လည်း သိရပါတယ်။ ကျန်းမာရေးနဲ့အားကစားဝန်ကြီးဌာန အနေနဲ့ ကလေးငယ်တွေကို ပုံမှန်ကာကွယ်ဆေး(၁၀)မျိုးဖြစ်တဲ့ ပြင်းထန်တီဘီရောဂါ၊ အသည်းရောင်အသားဝါဘီရောဂါ၊ ပိုလီ ယိုအကြောသေရောဂါ၊ ပြင်းထန် အဆုတ်ရောင်ရောဂါ၊ ဦးနှောက် အမြှေးရောင်ရောဂါ၊ ဆုံဆို့နာ၊ ကြက်ညှာချောင်းဆိုး၊ မေးခိုင် ရောဂါ၊ ဝက်သက်၊ ဂျိုက်သိုးစတဲ့ ရောဂါကာကွယ်ဆေးတွေကို ထိုးနှံပေးနေတာဖြစ်ပါတယ်။

ဒါ့အပြင် ၂၀၁၈ခုနှစ် ဇန်န၀ါရီလကစပြီး အသက်၉လပြည့် ကလေးတွေကို ပုံမှန်ကာကွယ်ဆေးထိုးတဲ့ အစီအစဉ်ထဲမှာ ဂျပန်ဦးနှောက်ရောင်ရောဂါ ကာကွယ်ဆေးကို ထည့်သွင်းပြီး ပုံမှန်ကာကွယ်ဆေး အဖြစ်ထိုးပေးတော့မှာဖြစ်တယ်လို့လည်း သိရပါတယ်။

ရုပ်သံသတင်းထောက် - လွင်သဲငယ်ဦး