အထည်ချုပ်လုပ်သား ၃၀၀ လောက် ဘာလို့ဆန္ဒပြ

အခြေခံ အလုပ်သမား သမဂ္ဂအဖွဲ့ခေါင်းဆောင် လေးဦးကို အလုပ်ထုတ်လို့ ဆိုပြီး အထည်ချုပ်စက်ရုံက အလုပ်သမား ၃၀၀ ခန့်ဟာ လုပ်ငန်းခွင်ထဲ မ၀င်ဘဲ စက်ရုံရှေ့မှာ ဆန္ဒပြနေကြတာပါ။ လှိုင်သာယာ မြို့နယ် ရွှေလင်ဗန်း စက်မှုဇုံက ရှမိန်မောနင်း(မြန်မာ) စက်ရုံကို တရုတ်လူမျိုးတွေက ပိုင်ဆိုင်တာ ဖြစ်ပြီး စက်ရုံထဲမှာ အလုပ်သမားပေါင်း ၃၈၀ ကျော် ရှိပါတယ်။ အလားတူ လှိုင်သာယာမြို့နယ် အတွင်းမှာလဲ အလုပ်သမား အဖွဲ့အစည်းတွေ ဖွဲ့ခွင့် မပေးတဲ့ စက်ရုံတွေ ရှိနေပြီး အဖွဲ့အစည်းမှာ ပါဝင်တဲ့ အလုပ်သမား ကိုယ်စားလှယ်တွေကိုလဲ အလုပ်မခန့်တာတွေ ရှိနေသေးတယ်လို့ လှိုင်သာယာ မြို့နယ် အလုပ်သမား သမဂ္ဂ အဖွဲ့အစည်း ဥက္ကဌ ကိုရဲသူရက ပြောပါတယ်။

ရုပ်သံ သတင်းထောက်- အလှလေး သူဇာ