من جديد: محمد الجندي .. وتتوالى تشييع جثامين شهداء الوطن
- 7 years ago
السلام والتحية على حضراتكو واهلا بيكو معانا ... امبارح كانت معانا الحاجة سامية الشيخ والدة الجندي وطلبت مننا كلنا ندعي لأبنها محمد ان ربنا يشفيه ويقومه بالسلامة من اللي حصله من عمليات ضرب وتعذيب اسفرت عن دخولة العناية المركزة ... لكن للأسف حالة محمد كانت أسوأ بكتير مما كنا نتخيل وبعد ساعات من انتهاء لقاءنا مع والدته محمد فقد حياته واستشهد وتم تشييع جثمانه ... والدة محمد الحاجة سامية وهيا معانا وجهت تساؤل للي عذبوا ابنها وقالتهم لهم ياترى بتعرفوا تناموا ؟؟؟ ياترى بتعرفوا تناموا بعد ما تسببتوا في قتل شاب في مقتبل عمره ... شاب نزل للمطالبة باستكمال ثورته اللي قام بيها مع زملليه للمطالبة بالعيش والحرية والكرامة الإنسانية ... واللي عشانها محمد مات وغيره ماتوا من غير ما يحسوا بتحقيق اي من مطالبهم ... مش محمد بس اللي مات النهاردة كمان مات عمرو سعد احد المصابين في احداث الإتحاية ومحمد كريستي ... وتم تشيع جثامينهم من ميدان التحرير ...