#Momken - ممكن - 10-10-2013 -- قصيدة إلي المصري - الشاعر صلاح عبد الله#

Join and Follow us on :
YouTube : http://www.youtube.com/cbcegypt
Facebook : http://www.facebook.com/cbcegypt
Google+: http://www.gplus.to/cbcegypt
Twitter : http://www.twitter.com/cbc_egy
#CBCEgy - #Momken - #ممكن
CBC - ممكن - #خيري_رمضان - 10-10-2013#
ممكن - 10-10-2013 -- تداعيات وابعاد القرار #الامريكى بتعليق #المعونة #العسكرية#
ضيف الحلقة
الشاعر - صلاح عبد الله
كلمات القصيدة

‎‫إلى المصري.
‎كل أنفاسي في صدرك...
‎وأنت قلبك بين ضلوعي...
‎وابتسامتك بين شفايفي...
‎وأنت في عيونك دموعي...
‎قبل ما تشبع تشبعني. ومن قبل أما أجوع بتحس جوعي...
‎إن شعرت إن أنت خايف...
‎حضن أخوك هايطمنك...
‎وإن شعرت إن أنت ضايع...
‎خلي قلبي مسكنك...
‎وأما تبقى السكة عتمة...
‎يومها هاحتاج نور عنيك...
‎تتعب أنت اسند عليَّ...
‎وإن تعبت أسند عليك...
‎وإلي شايفه بعيد عليَّ...
‎أنت هاتطوله بإديك...
‎أنت أخوي. وأنت جاري...
‎وأنت صاحبي وابن عمي...
‎نبضي بيحن لعروقك...
‎وأنت تحويشتي في همي...
‎بين كفوفك تطرح اللقمة الحلال...
‎لجل هذا كل ما أسلم عليك باحتاج أسمي...
‎وأنت صخرة في الشدايد...
‎وأنت أحلى من العسل في النكتة والدم الخفيف...
‎مهمى تتوسخ هدومك...
‎إنما قلبك نضيف...
‎وأنت واقف في الجوازة. وأنت ماشي في الجنازة...
‎وأنت بتشيل المكسح. وأنت ماسك إيد كفيف...
‎وأنت رايح تستلف م الجار فلوس...
‎لجل ما تقدر في بيتكو تعشي ضيف...
‎وأنت حالف مية يمين ع الضيف لياكل...
‎لحمة وعيالك على الطبلية في عنيهم يبان حرمان مخيف...
‎وأنت بتدل إلي تايه...
‎حتى لو ما كانشي هو بيسألك...
‎تاخده لجل توصله مطرح ما عايز...
‎مهما كان هايعطلك...
‎وأنت حالف مية يمين إن أنت تستر ع الولية...
‎لجل تحميها بشهامتك...
‎م الديابة وم الخطية...
‎وأنت خارج كل عيد الصبح تدفع...
‎لليتامى طبطبة. وحب. وعيدية...
‎وأنت راجع من صلاة الجمعة بالفاكهة لبيتك...
‎والبياض زغروطة هالة يا جدع من جلَّبيتك...
‎أنت وقت الحرب إيد مليانة غل...
‎وأنت وقت الحر نسمة صيف وضل...
‎أنت غيط أخضر. وشارع...
‎وأنت بيت عمران ومدنة...
‎وإلي مش زيك يا مصري...
‎يبقى دا مش من بلدنا...‬