Salman Khan ne mol le li apne upar afat Yakub memon ki fansi pe tweet kar ke. Salman ne apne tweets mein likha ki Yakub ko nahi balki unke bhai Tiger ko chadhana chahiye faansi pe. Unke is tweet ke baad unhe twitter pe kaafi criticism face karna padha aur BJP ke kai karyakartao ne unke ghar ke aagey pradarshan bhi kia. Salman ke pita ji ne baad mein kaha ki unke bete ko is case ke baarey mein kuch pata nahi hai aur Salmna ne apne papa ke kehne par tweets delete bhi kar diye aur tweets dwara hui misunderstandings ke liye maafi bhi maangi. Jahan kai logo ne Salman ke tweets ka kia virodh, abhineta se rajneta bane Shatrughan Sinha nazar aye unka support karte huey.
Salman ke baad chalete hai Neha Dhupia ki ore jinke PM Modi ki government pe kiye huey tweets ne bhi macha dia tha kaafi hungama. Neha ne comment kia tha Modi ji ke selfie with daughter aur yoga day campaign k barey. Neha k ghar k bahar bhi logo ne Saturday ko pradarshan kia aur ab neha ne apne tweets ki safai bhi de di hai.
Salman ki latest release Bajrangi Bhaijaan ban gayi hai is saal ki sabse badhi grosser. Film ne ab tak kama liye hai 240 crore rupay.
Kabir Khan ka kehna hai ki baatuni Harshaali Malhotra ne unhe Bajrangi Bhaijaan ki shooting ke dauraan kia kaafi pareshaan.
Abhishek Bachchan Chahtey hai ki Ramesh Sippy jald hi banaye Bluff master ka sequel.
Sunday ko Bahubali ke star Prabhas mile PM Modi se aur Prabhas ne unhe request kia hai apni blockbuster film dekhne k liye.
To ye tha aajka Bollywood round up, kal fir milengey aapse kuch aur Bollywood gupshup ke sath..
Comments