Colonia Duett - Auftritt Karneval Köln 1987

Colonia Duett - Auftritt Karneval Köln 1987

mit Hans Süper & Hans Zimmermann

- Eier und Eierschalen

- Lied vom Schötzefess (Schützenfest)

Bei uns wor neulich Schötzefess
Un do spellten e Karussell
Jo do orgelte en Achterbahn
Un en Schaukel bimmelt hell
E Büdche steiht an jeder Eck
Met Rollmöps un met Woosch
Un hinge en der Strüch versteck
E Bierzelt für der Doosch

En dem Zelt do wod bestellt
Jung, do schmessen se met Geld
Woosch un Bier, wie dat schmeck
Vun däm Büdche an der Eck
Der ganzen Daag wood gelaach
Ball bes medden en der Naach
Un die ahl Frau Immergrön
Saht: nä, nä, wat es dat schön

Et wor su koot für Meddernaach
Do gov et Explizier
Mer hatten mem Marie gedanz
Un dat bützte uns dofür
Doch dat wor ihrem Bräutigam
Däm Pitter gar nit rääch
Däm schwoll für Woot der Hahnekamm
Un hä kom angefäg

Dann ging et Päng un paar Zäng
Flogen plötzlich langs de Wäng
Dann ene Knall un ene Fall
Un ene riesige Krawall
Un em Zelt vell Geschrei
Allgemeine Keilerei
Un die ahl Frau Immergrön
Saht: nä, nä, wat es dat schön

Die Musik spielte ungerührt
Einen Jäger aus Kurpfalz
Jo, do kräg dä Matthes, dä Dirigent
En Bierfläsch an der Hals
Do schnapp dä Schäng sing decke Trumm
Dä Päul sing grosse Trööt
Un schlog se dann vum Podium
Denne andere op de Pläät

Dä lange Hein dä schmess e Ei
Vun däm Zimmermann entzwei
Un dä saff der leef eraff
Un Frau Zimmermann kräg jet aff
Un do han mir zwei gelaach
Un dat ging die ganze Naach
Pawapalawawa