السادة المحترمون: مستشفي قنا الجامعي تغلق ابوابها في وجة المرضي وسط تجاهل متعمد من المسئولين
- 10 years ago
نروح لقنا ، ونكلم تاني النهاردة عن مستشفى قنا الجامعي اللي الأطباء فيها طبقا للتقرير اللي عرضناه على حضراتكم من يومين استغلوا المستشفى لحسابهم الخاص بتحويلها من مستشفى تعليمي يخدم أهالي قنا لمستشفى استثماري وده خلى كتير من أهاللي قنا يضطروا للسفر لمستشفيات سوهاج التعليمي وأسيوط الجامعي طبعا ده بيكلفهم مشقة وتكاليف السفر ، .ناهيك زي ما عرضنا على حضراتكم من يومين ان مرضى محافظة قنا خاصة من المصابين فى حوادث الطرق يتم تحويلهم الى مستشفيات اسيوط وسوهاج الجامعى كل ساعة على المدار اليوم بعد ان اغلقت مستشفى قنا الجامعى ابوابها فى وجه مصابى حوادث الطرق الذى تضيع حياه اغلبهم خلال رحلات انقاذ داخل سيارات الاسعاف تتجاوز الاربع ساعات لتعود بجثث هؤلاء المصابين فى احيانا كثيرة.... حاولنا خلال يومين التواصل مع وزير التعليم العالي الدكتور سيد عبد الخالق لكن ما بيردش على تليفونات ، وحاولنا التواصل مع رئيس جامعة جنوب الوادي أيضا ما بيردش على تليفونات ، حاولنا كمان نتواصل مع الدكتور حمدي حسين عميد كلية طب قنا كمان ما بيردش ... كمان الدكتور عبد الرحمن عبد الحميد مدير عام المستشفيات الجامعية في قنا أيضا ما بيردش ... المشكلة دي على مكتب المهندس إبراهيم محلب رئيس مجلس الوزراء ونتمنى أنه ينظر فيها طالما مفيش حد مهتم