السادة المحترمون: دور المصريين بالخارج في تنمية الاقتصاد والإسهام في مشروع قناة السويس الجديدة

ما فيش شك أن كل الطيور المهاجرة بييجي عليها يوم ترجع لأحضان وطنها ..وده حال كل المصريين المغتربين..لازم ييجي يوم ويرجعوا لبلدهم...لأن فيها حاجة حلوة..حاجة حلوة منك..حاجة كل مادة تزيد زيادة..زي ما بتقول أغنية ريهام عبدالحكيم في فيلم عسل أسود ..والفترة دي مصر بتعول كثيرا على طيورها المهاجرة للخارج لمساعدة الاقتصاد الوطني وانتشاله من عثرته بعد ثورتين متتابعتين للخروج من عنق الزجاجة زي ما بنقول ..يا ترى إزاي هتكون مشاركة المصريين في الخارج في مشروع قناة السويس ومشاريع التنمية بشكل عام في مصر في الفترة الجاية خصوصا أن هيبقى ليهم تمثيل في مجلس النواب المقبل ..ده إللي هنناقشه ونعرفه مع ضيفنا إللي منورنا في الاستديو انهارده ولاء مرسي عضو اتحاد المصريين في أوروبا والمنسق الإعلامي للغرفة التجارية المصرية البريطانية وعضو لجنة الخمسين عن المصريين في الخارج "سابقا".:-
أهلا بضيفنا العزيز ولاء مرسي عضو لجنة الخمسين سابقاً