السادة المحترمون يدعو جموع المصريين بالخروج والإستمتاع بعيد الفطر وسط تأمينات قوات الأمن

كل عام وأنتم بخير ، خلاص ثبتت الرؤية زي ما أعلنت دار الإفتاء المصرية منذ لحظات وقالت ان غدا الاثنين هو غرة شهر شوال وأول أيام عيد الفطر المبارك..أعاده الله عليكم وعلينا وعلى الأمتين العربية والإسلامية باليمن والخبر والبركة ، العيد بدأ فعليا من الليلة ..وأظن أن أغنية يا ليلة العيد أنستينا لكوكب الشرق أم كلثوم هي المسيطرة على مسامعنا دلوقتي..وعاوزين نطمنكم ونقول لكم أنزلوا واخروجوا وخللوا ولادكم يلعبوا وهيصوا وما تخافوش من حاجة ..بلدنا أمان بعون الله .. أجهزة الأمن بوزارة الداخلية، وبالتنسيق مع الجيش وجهازي الأمن الوطني والأمن العام، استعدوا تمام لعيد الفطر المبارك وسهرانين للحفاظ على أمننا وحياتنا ولحماية كل المنشآت الحيوية في كل شبر في مصر..ونحب نوصل رسالة برده لبعض الشباب والعيال المايعين..ونقولهم أوعوا إديكم تطول على بنت من بناتنا ..لا تحرش بالإيد ولا بالكلمة حتى..لأن في رجال شرطة سريين متواجدين بين المواطنين في العيد..واللي ربنا بيحبه يقع في إيد رجال الشرطة..لأن جمعيات مكافحة التحرش هتبقى متحفزة لأي حد يهوب ناحية بنت من بناتنا .. اصحوا بدروا صلوا العيد واشربوا الشاي وكلوا الكحك ..وجناين مصر كلها مستنياكم ...كل سنة وكل مصري بخير والسنة الجاية إن شاء الله هنكون أحسن وبلدنا أحسن بينا كلنا .
تابعونا على https://www.facebook.com/alSadahalMo7taramon