مطربة الأجيال وردة
أغنية : خليك هنا - بلاش تفارق
كلمات الشاعر الغنائي محمد حمزه و ألحان عبقري النغم الموسيقار بليغ حمدي
من حفل مصر عام 1973
-------
الوداع .. ما بقيتش أخاف .. ف الدنيا دى .. غير م الوداع ..
والضياع .. بحس لما تكون بعيد .. معنى الضياع
وخليك هنا خليك .. بلاش تفارق ..
بتقول يومين .. وتغيب سنة .. بلاش تفارق ..
خلتنى أخاف .. لما بحس بخطوتك .. واخداك بعيد
عليك بخاف .. لما تقول كلمة وداع .. تانى من جديد
خايفة من بكرة .. واللى هيجرى .. لما تروح
وتغيب سنة .. وتفوت هنا .. حبيب مجروح
ولا يا حبيبي لا .. الفراق ده لا
شوف كام سنة من عمرنا .. ضاعوا مننا كم سنة
حرام عليك حرام .. وحياة عينيك حرام
خليك هنا .. هنا .. بلاش تفارق وخليك هنا
***
السنين يا ما دوبت .. من عمرنا .. كتير السنين
والسنين .. خلتنى اشوف .. من قد ايه متفرقين
فرقتنا .. غربتنا .. تعبتنا
لكن شوف ادينا رجعنا تانى و حبنا غلب السنين
صبرنا ع الآلام ورجعنا بالامانى للهوى متشوقين
لليلة حب وطعم الحب يا عيني ع الحب
وجاى تقول من تانى ليه كلمة وداع
عايزنى ادوق ف البعد ليه طعم الضياع
ولا يا حبيبي لا .. الفراق ده لا
شوف كام سنة من عمرنا .. ضاعوا مننا كم سنة
حرام عليك حرام .. وحياة عينيك حرام
خليك هنا .. هنا .. بلاش تفارق وخليك هنا
***
مال واشتكى القلب و بكى وغنى ع الحنين ف الغربة موال
وقال بعد الحبايب عنناهيسهر دمعنا ليالي طوال ليالى طوال
وشارى .. انا والله شارى وباعنى .. وانا برضه شارى
وان غبت سنين عن عينى يا حبيبى انا برضه شارى
ايه ؟.. قلت ايه ؟..مفارق ؟
ح تروح يومين وتغيب سنة وتغيب سنة
وتضيع هناك وانا اضيع هنا واضيع هنا
ايه ؟.. قلت ايه ؟ مفارق ؟
ويهون عليك يمر يوم يا حبيبى يوم وما تشوفنيش
ولا يا حبيبي لا .. الفراق ده لا
شوف كام سنة من عمرنا .. ضاعوا مننا كم سنة
حرام عليك حرام .. وحياة عينيك حرام
خليك هنا .. هنا .. بلاش تفارق وخليك هنا
***
Commentaires