Akhtar Jawad - Ghazal-Yeh Kiska Intezar Hay

Khushi o gham ki dhoop chaon kitni khushgawar hay,
Kabhi theen unse ranjishen aur aaj kitna peyar hay.
Yeh kaun aa geya yehan ke bam-o-dar chamak uthe,
Hawa bhi kutch mehek gai fiza bhi lalazar hay.
Khizan ka raj ujar geya har ek kali chatakh gai,
Uthaoon jistaraf nazar bahar hi bahar hay.
Shikaeton ki sari gard chahaton se dhul gai,
Nazar men phir khuloos hay dilon men phir se peyar hay.
Jhuken ge hum bbadho to tum yeh fasley mitaen hum,
Gale milen miten gile yeh kiska intezar hay.

Akhtar Jawad

http://www.poemhunter.com/poem/ghazal-yeh-kiska-intezar-hay/