ہو نہیں سکتی رقم بنتِ شہِؐ بطحا کی شان -مشاعرہ فیصل آباد

Name: ہو نہیں سکتی رقم بنتِ شہِؐ بطحا کی شان -مشاعرہ فیصل آباد
Uploaded: 2014-05-21T19:21:07+00:00
Duration: 12 min 20 s
Channel: Shahidfsd11

Shahidfsd11

-مشاعرہ فیصل آباد     حضرت الشیخ پیر سید نصیر الدین نصیر جیلانی رحمتہ اللہ علیہ گولڑہ شریف    ہو نہیں سکتی رقم بنتِ شہِؐ بطحا کی شان   کیا بیاں ہو قطرہء ناچیز سےدریا کی شان     ایک زرہ کیا احاطہ کر سکے خُورشید کا   ایک ادنیٰ کیا سمجھ سکتا ہےایک اعلیٰ کی شان     ہے میرے پیشِ نظر اُس ذات کا ذکرِ بُلند   پست ہو جاتی ہے جس کے سامنے دُنیا کی شان    بضة مني کہیں جس کو رسولِؐ اِنس و جاں  اس سے بڑھ کر اور کیا ہو اس دُرے یکتا کی شان    جس کی آمد پر کھڑے ہو خود امام الانبیاء  دیکھئیے چشم نبّوت میں ذرا زھرا ؑ کی شان     چال میں حُسن خرام احمدی کا بانک پن   والضٰی سے ملتی جلتی چہرہء زیبا کی شان     اہل محشر جس کی آمد پر رکھیں نیچی نظر   کس قدر اُونچی ہے اس شہزادیء والا کی شان    عائشہ ؓسے پُوچھ جا کر رُتبہ اُم الحسن ؑ   پُوچھ صدیقؓ و عُمرؓ سے لَا فَتاح اِلا کی شان    یہ خواتینِ جہانِ نو بھلا سمجھیں گی کیا؟  مریم و حوّا سے پُوچھو زینبِ کُبریٰ ؑ کی شان     ذہن محوِ یادِ حقّ دل جورِ اعدا سےغنی   دیدنی تھی کربلا میں ثانیء زھرا ؑ کی شان     تیری اُس بیٹی کا وہ خُطبہ وہ دربارِ دمشق   علم نانا کاخطابت سےعیاں بابا کی شان     مرتبہ حیدرؑ کا بتلائیں تو بتلائیں حسین ؑ  اک تقی پہچان سکتا ہےکسی اتقیٰ کی شان    ہے جہاں میں بےعدیل و بے مثال و بے مَثیل   ضرب حیدرؑ کی محمدؐ کی سَخا زھرا ؑ کی شان     جب بنی بنتِ محمدؐ والدہ سبطین کی   چشمِ انساں میں دوبالا ہو گئی ممتا کی شان    مرحبا زھرا ؑ تیرا زوجِ گرامی ابو تُراب   خاک میں جس نے مِلا دی قیصر و کسریٰ کی شان     پڑ گئے تھے آبلے ہاتھوں میں چکی پیستے   بھوک کی شدّت سے پتھّر پیٹ پرمولا کی شان     اولیاء و اصفیا کے رُوپ میں ظاہر ہوئی   سیّدہ زھرا ؑ تیرے ایک ایک نقشِ پاہ کی شان     باقرؑ و شبیّرؑ و شبّرؑ زینب ؑو زین العباد ؑ  مرحبا کیا اوج پر ہے عِترتِ زھرا ؑ کی شان     وہ تو تیرے مہ پاروں نے لگائے چار چاند   ورنہ کیا کربل کے ایک تپتے ہوئے صحرا کی شان     سجدہء حیرت میں ہے اب تک جہانِ ساجدین   دیکھ کر تیرے پسر کے سجدہء اُولیٰ کی شان     جب سوا نیزے پہ آجائیگا سُورج مُنکروں   اس گھڑی تم پر کھلے گی چادرِ زھرا ؑ کی شان     فاطمہ ؑماں ہے اُسی مردِ جریں کی اے نصؔیر  لشکرِجرّار پر حاوی تھی جس تنہا کی شان       کلام حضرت الشیخ پیر سید نصیر الدین نصیر جیلانی رحمتہ اللہ علیہ گولڑہ شریف  .اپ کی دعاؤں کاطالب سید شاہد محی الدین بخاری

Recommended

Featured channels