Love Dosti Dua Ep 01 : 11th November (03)

Shiv Gauri aur Tulika Mumbai aa chuke hain, Raat bahut ho chuki hai isliye Tulika aur Gauri Shiv ke saath uske ghar aa jaate hain. Gauri Shiv ke ghar ki gandi haalat ko dekhkar zara ghabra jaati hai. Shiv usse akad ke jawaab deita hai ki main toh aise hi rehta hoon. Tabhi tulika ko uske kisi dost ka phone aata hai aur woh usse baat karke decide karti hai ki hum abhi Dinner pe milte hain. Gauri soch rahi hai ki itni raat ko hum kaise dinner karne jaayenge. Tulika usse samjhati hai ki yeh Mumbai hai aur yehaan ki lifestyle aisi hi hai. Dono ladkiyan abb taiyaar hone jaati hai. Gauri Tulika ki choice ki eik dress pehen kar baahar aati hai aur Shiv usse dekhta reh jaata hai. Tulika uska dhyaan todti hai aur party mein chalne ko kehti hai. Restaurant mein Gauri pehli baar Shiv aur Tulika ke kuch doston se milti hai jo ki gauri ka mazaak udaane lagte hain. Lekin Shiv aur Tulika Gauri ko apne apne tarah se protect karne ki koshish karte hain. Gauri bhi apni haazir jawaabi se sabka muh band kar deiti hai. Fir jab baat uski singing pe aati hai toh Gauri eik gaana gaa kar sabka dil jeet leiti hai. Abb Shiv,Tulika aur Gauri ghar waapas aate hain,raat bahut ho chuki hai. Abb naya confusion shuru hota hai ki kaun kahaan soyega. Tulika aur gauri milkar Shiv ko bewkoof banate hain aur usse kamre se baahar bhej deite hain, aur usse baahar sona padta hai.
Agle din subah Gauri uthkar saare ghar ki safaai kar deiti hai. Woh jab chai lekar Shiv ko dhoondhne jaati hai toh Shiv kahi dikhayi nahi deita, Gauri ghabra jaati hai aur Tulika ko uthane jaati hai. Tulika Galti se Chai ka Cup Gauri ke upar gira deiti hai. Gauri usse saaf karne jab bathroom mein jaati hai toh dekhti hai ki shiv bhi wahin hai. Gauri Cheekhti hai, Tulika aakar dekhti hai ki kya hua. Teeno ke beech bahut tu tu main main hoti hai, Shiv says ki abb tum logon ko main aur yehaan nahi rakh sakta, tum log apna thikana dhoondh lo. Gauri Tulika se kehti hai ki Shiv theek hi keh raha hai mujhe kahin rehne ki jagah dhoondh leni chahiye, Tabb tulika usse kehti hai ki tum mere saath rahogi.