حضرت پیر نصیر الدین نصیر جیلانی رحمتہ اللہ علیہ ..منظر فضاۓ دہر میں سارا علی کا ہے

منظر فضاۓ دہر میں سارا علی کا ہے
جس سمت دیکھتا ہوں نظارہ علی کا ہے

مرحب دو نیم ہے سر خیبر پڑا ہوا
اٹھنے کا اب نہیں کہ یہ مارا علی کا ہے

کُل کا جمال جزو کے چہرے سے ہے عیاں
گھوڑے پہ ہیں حسین نظارہ علی کا ہے

اصحابی کالنجوم کا ارشاد بھی بجا
سب سے مگر بلند ستارا علی کا ہے

ہم فقر مست چاہنے والے علی کے ہیں
دل پر ہمارے صرف اجارا علی کا ہے

اہل ہوس کی لقمہ تر پر رہی نظر
نان جویں پہ صرف گزارا علی کا ہے

تم دخل دے رہے ہو عقیدت کے باب میں
دیکھو معاملہ یہ ہمارا علی کا ہے

اے عرض پاک تجھ کو مبارک کہ تیرے پاس
پرچم نبی کا چاند ستارا علی کا ہے

آثار پڑھ کے مہدی دوراں کے یوں لگا
جیسے ظہور وہ بھی دوبارہ علی کا ہے

تو کیا ہے اور کیا ہے تیرے علم کی بساط
تجھ پر کرم نصیر یہ سارا علی کا ہے

کلام حضرت الشیخ پیر سید نصیر الدین نصیر جیلانی رحمتہ اللہ علیہ گولڑہ شریف
Jashny makhdoma Koonain SAlam Ullah Allaha..
KArachi 2007
Munaqib imaam ul ashiqeen syedina ALI Bin Abbi-TALLIB Asad Ullah hil Galib ABBU TURAB 0(A.S).....

kalam hazrat shaikh PIR NASEER UD DIN NASEER JILLANI GOLRA SHARIF
presented by syed shahid AND rashid mohy ud din bukhari