السادة المحترمون: شهادة وزير الداخلية الأسبق في قضية الهروب الكبير من سجن وادي النطرون

اللواء محمود وجدى وزير الداخلية الأسبق ، أدلى بشهادته السبت الماضى 8 يونيو أمام محكمة جنح مستأنف الإسماعيلية فى القضية الأهم فى مصر الأن وهى قضية "الهروب الكبير من سجن وادى النطرون" وادى النطرون اللى الدكتور مرسى هرب منه أثناء ال18 يوم بتوع الثورة هو و33 من قيادات الإخوان وادعا بعدها أن الأهالى هم اللى فتحوا السجون وهربوهم .
المهم شهادة اللواء محمود وجدى كانت غاية فى الأهمية طابقت تماما شهادة اللواء القوصى مدير سجن وادى النطرون السابق اللى أكد أن جماعات مسلحة اقتحمت السجن وقامت بتهريب المسجونين طبعا واللى كان منهم الدكتور مرسى ورفاقة - نشوف وجدى قال ايه
اللواء محمود وجدى بيكلم عن اقتحام سجن وادى النطرون والمرج وأبوزعبل وبيؤكد أن جماعات مسلحة من حماس وحزب الله بمساعدة مجموعة من البدو شاركت فى اقتحام هذة السجون للإفراج عن أعضاء لحماس وحزب الله فى هذة السجون ، طبعا وبالمرة الإفراج عن مرسى وأعضاء الجماعة من وادى النطرون ، علشان كدة احنا هنظل نطالب بسماع شهادة الدكتور مرسى فى المحكمة ، يقولنا هو هرب ازاى ، هو بيقول الأهالى هربوه لكن اللواء القوصى واللواء محمود وجدى بيؤكدوا ان مسلحين من حماس وحزب الله هم اللى اقتحموا السجن - عاوزين شهادتك يادكتور .
تابعونا على https://www.facebook.com/alSadahalMo7taramon