من جديد: ياريس الفقر عمال بيزيد في مصر .. الفقر مش في الأكل بس

اهلا و سهلا بحضراتكم
مبروك عليكم و علينا و علي شعب مصر كله
خلاص الفقر حينتهي من مصر
الريس بشرنا النهاردة انه " لن يكون هناك فقير واحد في شهر رمضان"
طبعا الريس يقصد ان اهل البر و الخير و اصحاب موائد الرحمن حيقوموا بدورهم
بس ياتري يا سيادة الريس كده يبقي مافيش فقراء في مصر؟؟ طب بامارة ايه؟؟
بامارة ان فيه ناس حتأكل ناس غلابة فينتهي الفقر
هو الفقر في الاكل بس ياسيادة الريس
طب ده المثل الشعبي بيقول " ماحدش بينام جعان "دلالة على تكافل المصريين مع بعض
طب و في غير رمضان ياسيادة الريس ايه اللى حيحصل ؟؟
يعني حنخلي اهل الخير و البر و الجمعيات الخيرية و خلافه تشتغل 12 شهر في السنة و موائد الرحمن تفضل منصوبة على طول علشان يبقي مافيش فقرا طول السنة.
طب ياسيادة الريس اهل الخير و البر تولوا اطعام الفقرا و الغلابة.... حتعمل ايه في سكنهم و تعليمهم وصحتهم و مواصلاتهم ؟؟؟
ياريس الفقر عمال بيزيد في مصر ... و الفقر مش في الاكل بس...
البلاد اللى عاوزا تقلل الفقر و تحاصروه .... بتعلم شعبها و بتحافظ على صحته و بتوفر له الحد الادني من السكن و الحياة الحرة الكريمة...... مش بتاكله على الرصيف ...
ياسيادة الرئيس شعبنا محترم و يستحق حياة كريمة ليس في مقدمتها الاكل انما التعليم اللى بيجيب الاكل ، انما عمر الاكل ما جاب تعليم و ثقافة
تابعونا على https://www.facebook.com/MenGadid