السادة المحترمون: الحداد يتحدث عن رؤية الإخوان لدور مصر الخارجي

على أى حال ، عصام الحداد كان أحد الأوجة الرئيسية فى حملة مرسى للرئاسة كان مدير الحملة ، وكانت له رؤية مهمة قوى للسياسة الخارجية اللى هيتبعها الدكتور مرسى -- تعالوا نشوف مع بعض.
(فيديو الحداد بتاع الدعاية لمرسى -- مايو 2012)

شايفين الكلام اللى كان بيقوله الحداد ، العلاقات الخارجية يجب أن تعيد المكانة التاريخية لمصر ، كرامة المصرى يادكتور حداد لسة بتتهان بره عملتوا ايه للمصريين اللى بيتهانوا فى ليبيا ودول الخليج اهتميتوا فقط بالأهل والعشيره ، ودور مصر فى افريقيا وانها أنشأت حركات التحرر فى افريقيا ده اللى كان قام بيه عبدالناصر اللى رئيسك تهكم عليه قبل كدة وقال الستينات وما أدراك ما الستينات ، وعملتوا ايه فى ازمة مياة النيل مع دول الحوض ، هل قدرتوا تخلوا اثيوبيا تتراجع عن بناء سد الألفية ؟ لأ ، مرسى راح السودان ووعدهم ان حلايب ترجع للسودان زى ما تكون أرضه .