من جديد: جماعة الإخوان المسلمين تعلن النفير العام
- 11 years ago
السلام والتحية على حضراتكوا اهلا بيكم معانا ... امبارح الدكتور مرسي في كلمته بمباردة حقوق وحريات المراة قال : "اذا اضطررت سأفعل .. وانا على وشك أن افعلها "، وده في تلميح منه لاتخاذ اجراءات استثنائية ضد بعض رموز المعارضة .. ويظهر كدا ان الرئيس قرر انه "يعملها" زي ما قال في خطابه .. واللي بيأيد الكلام ده خبر منشور النهاردة على موقع اليوم السابع بيأكد ان جماعة الإخوان المسلمين أعلنت ما يسمي بالنفير العام بين صفوفها لمساندة قرارات مهمة هتصدر عن مؤسسة الرئاسة .... حالة النفير العام دي هتكون من أجل دعم قرارات هتصدر عن الدكتور محمد مرسي رئيس الجمهورية قريبا ... لو تفتكروا حضرتكوا حالة النفير العام دي بتفكرنا بايام الاعلان الدستوري اللى اصدره الرئيس .. كان يومها برده في حالة نفير عام في صفوف الجماعة ، وتقريبا من يومها والبلد كلها عايشة في حالة نفير مش بس جماعة الإخوان... ياترى هل حالة النفير المرة دي ليها علاقة بتلميحات الدكتور مرسي امبارح وتهديده للساسة باتخاذ اجراءات استثنائية وانه اللى هيحط صباعه داخل مصر هيقطعهوله؟! .. معنا محمد اسماعيل الصحفي اللي ناشر الخبر .