Urdu Hindi Shayari ghazal love (Mohabbaton ke haseen palon ko )

  • 11 years ago
GHAZAL BY SEEMA GUPTA

mohabbaton ke haseen palon ko, Wo titliyon ka khayal dega
k khwaab sarey bas eik shab mein, wo meri aankhoN mein dhaal dega

main rooth jaungi lakh us se,mujhey mana hi wo lega aakhir
qareeb aakar ya muskurakar, mizaaj mera sanbhaal dega

jo pal bhi beetega qurabatoN mein, haseen, chanchal si chahtoN mein
mujhey yaqeeN hai kh mere dilbar,wo mere maazi ko haal dega

jo shakhsh bechara hai aaj mujh se bahaar mosam ki ebtda main
kaha tha us ne kh chahtoon ko kabhi na rang-e-zawaal dega

kh le ke anmbar se wo sitare jo mera aanchal sajha raha tha
kisey pata tha kh wohi aanchal wo mari arthi py daal dega

wo sath ho ga to ye safar bhi Aasaniyon se kate ga apna
yaqeen hai mujh ko - main janti hon wo sare raste ujaal dega
--
wo,ham sukhan hai wo humsarfar hai to koi Gham bhi nain hai seema
main janti hon Mizaaj apna wo mere sheroN mein dhaal dEGA

Recommended