احنا امبارح كنا وعدناكم بتقرير مصلحة السجون عن الحالة الصحية لمينا نصحي المصاب والمتهم في أحداث ماسبيرو واللي تم نقله لسجن الاستئناف بعد ما اتعمل له عملية جراحية في الفك في مستشفى كوبري القبة العسكري.. الحقيقة إن التقرير لسة ما وصلناش من مصلحة السجون على وعد إنه هيصدر بكرة بالكتير.. لكن المعلومة اللي عندنا وصلتنا من جهات التحقيق (العسكرية) وأكدت إن مينا نصحي مش مصاب برصاصة لكن من غير أي تفاصيل تانية عن إصابته.. أما بخصوص الرصاصتين التانيين، فنفس جهات التحقيقات أكدت لنا إنهم مالهمش أي لزمة لإن الرصاصات ديه اللي بيتقال عليها "المقذوف" مش هي اللي بتدل على بصمة السلاح لكن الفوارغ هي اللي بتدل.