من جديد: الخوف على حرية الفن والإبداع

السلام والتحية على حضراتكو اهلا بيكو معانا .. حرية الابداع في خطر هود ده العنوان العريض اللي ممكن نوصف بيه الوضع النهاردة بعد اللي حصل مع مسلسل البحر والعطشانة اللي كان من المفترض ان يتم عرضه على شاشات التليفزيون، القصة باختصار وهي المنشورة على وكالة أنباء الشرق الأوسط وهي ان المسلسل كان من المفترض عرضه في رمضان لكن لانه بيتناول قصة نائب من نواب مجلس الشعب من المحسوبين على التيار الديني فاز في مجلس الشعب بالرشوة والضحك على الناس استخدام الدين، فرقابة التليفزيون اعتبرت ان الكلام ده خطر وممكن يزعل جماعة الإخوان وبطريقة ملكي اكتر من الملك راحت الرقابة منعت عرض المسلسل اللي مدفوع فيه الملايين عشان زعل الجماعة.. وكان الفلوس اللي تدفعت ديه موجودة وبزيادة واتحاد الاذاعة والتليفزيون مش لاقي يقبض العاملين عنده عشان يركن مسلسلات على الرف .. وكأن كمان ان مجرد ظهور اي رجل دين او اي واحد بدقن حيبقى من الخطوط الحمرا .. لان ساعتها لو حصل ديه حيبقى معناه اننا رحنا في سكة ربنا يستر علينا منها.. عتلى العموم الموضوع ده بالتحديد وهو حرية الابداع والخوف عليها حيكون هو عنوان فقرتنا الاخيرة بس خلونا نروح نشوف مصر حصل فيها ايه النهاردة ونرجع عشان نبتدي مع حضراتكزو من جديد.