Advertising Console

    Tarika Ramaroson Wilson - Siokan'ny manina

    Repost
    ♫ndr♫in♫

    par ♫ndr♫in♫

    104
    3 741 vues
    Siokan’ny manina

    Fiv. :..
    Lahy o! Siokan’ny manina
    Roy e! Siokan’ny manina

    Irery amin-toeran-mangina
    Tsy misy izay mba iresahana
    Ny hiran’ny fo no tsindriany
    Sioka no feo ivoahany
    Tsy fantany akory izay mety
    Mahatonga ity sioka tsy fidiny
    Fa tampoka teo, teo vetivety
    Dia lasa tsy tana tsy fidiny

    Fiv. :..

    Angamba izay mahatsikaritra
    Mihevitra azy ho adala
    Kanefa diniho maharitra
    Fa hanina ny olo-malala
    Ny hira niaraha-nikalo
    No nahatonga azy hahatsiahy
    Ka taitra ny olo, ny olo-mandalo
    Nahita azy very fanahy

    Fiv. :..

    Ny fony ao anaty izay ditsoka
    Kosehin’ny hiran’ny manga
    Ny vetson’ny sioka miritsoka
    No toy ny mameno ny banga
    Mijery izy fa tsy mahita
    Izay tiany ho fantarina tsy hay
    Raha tsy ny sioka no vita
    Tsy nety ho nody ny sainy

    Fiv. :..