min briquet. martial ansart

MIN BRIQUET

Avec einne nialette pour assiette

Mes dos pour fourchette,

L’daine ponr m’assir

L’mézière pour dos d’cayelle,

Ech mingeot avec plaisir.

Mes tartines y étotent si belles

Avec et bonne graisse d’sus pain

Einne bonne pomme toute jaune

Arrosé ed café ch’étot einne mervelle.

Mi ch’étot min festin

J’I’éros pas cangé pour des pronnes.

Ch’n’étot pas long,

Mais ch’étot si bou

Qu’avec el plaisir

I n’fallot pas s’lécher ingourdir.

Déjà el momint y étot y’nu

Ed racrocher s’musette.

Bien vite y fallot sar mette in train

Pour gagner sin pain du leud’main.

Mai 1987

Martial Ansart