Dear Chixie,
Maayong adlaw. Itago lang ko sa pangalan nga si Joana. Kini akong problema kabahin sa akong bana nga si Jerson ug iyahang ex nga si Ina.
Childhood sweethearts si Jerson ug Ina, Chixie. Nagkabuwag lang sila tungod kay ni-abroad si Ina ug ang iyang pamilya. To cut the story short, until now close pa kaayo akong bana ug iyahang ex. Bisan ang family ni Jerson, wala nausab ang tinagdan ngadto kang Ina.
Kon adunay mga okasyon sa family sa akong in-laws, pirmanente gyud present si Ina. Tungod kay close lagi kaayo sila, Chixie, gikuha namong ninang si Ina sa among anak.
Na-appreciate pud nako akong bana, Chixie kay wala gyud siyay gitago sa akoa especially about sa iyang ex. Matag okasyon Chixie, ma-Christmas man or birthday sa among anak, pirmanente gyud magpadala og regalo si Ina.
Apan one time Chixie, nadunggan nako nga nag-video call akong bana ug si Ina. Nagkinumustaay ug niingon si Ina nga magpadala napud daw sya og balikbayan package. Pero inay nga malipay ko Chixie, murag nalain ko. Kon makadungog ka sa ilang conversation, mura gyud sila og manag-uyab. Ambot og tungod ra ba ni sa akong kaselos, Chixie, pero wala nako kauyon nga hangtud ron, naa gihapon silay communication.
Unsaon nako pag-ingon sa akong bana, Chixie, nga dili nako komportable sa ilang pagka-close?
Joana