புதுப்பேட்டை... தவிர்க்க முடியாத தமிழ் சினிமா...! ஏன்? #11YearsOfPudhupettai

போலீஸ் சினிமாக்களைப்போல தாதா சினிமாக்களுக்கும் தமிழ் சினிமாவில் ஒரு பெரிய வரலாறு உண்டு. 'தளபதி', 'நாயகன்', 'பாட்ஷா', 'கபாலி' (நாளை 'காலா'?) வரை தாதாக்கள் என்பவர்கள் பணக்காரர்களிடமிருந்து கள்ளப்பணத்தைப் பறித்து எளிய மக்களுக்கு உதவுபவர்களாக தாதாக்களைச் சித்திரிக்கும். ஆனால், 2006-ம் ஆண்டில் வெளியான 'ஆச்சார்யா', 'புதுப்பேட்டை', 'டான்சேரா' போன்ற தாதா படங்கள், இப்படி தாதாக்களை நல்லவர்களாகச் சித்திரிக்காமல், 'சமூகத்தில் ரெளடிகள் ஏன் உருவாகிறார்கள்?' என்பது குறித்து விரிவாகப் பேசின.