Hoti: Nuk ka ndarje mes SHBA-se dhe BE-se per dialogun

  • 4 years ago
Pas takimit që pati me përfaqësues të nivelit më të lartë në Bashkimin Europian, kryeministri i Kosovës Avdullah Hoti doli në një konferencë për mediat këtë të shtunë.

Një nga çështjet më të rëndësishme për të cilën u pyet Hoti ishte ajo për aktakuzën kundër Hashim Thaçit e Kadri Veselit për krime lufte dhe krime kundër njerëzimit.

?Pavarësisht ndryshimeve në axhendën e ditëve të fundit, ne mbetemi të fokusuar në dialog. Besoj thellë se dialogu nuk ka alternativë. Këtë qëndrim e kam prezantuar edhe tek përfaqësuesit europianë. Është në interes të Kosovës që ky proces të mbyllet sa më shpejt?, tha Hoti.

Kryeministri u shpreh se po përgatitet për samitin e BE-së në lidhje me dialogun. Ai u shpreh se është rënë dakord që të shtyhet takimi në Uashington. Takimi i radhës sipas Hotit do të drejtohet nga ai vetë.

Kreu i qeverisë kosovare sqaroi se takimi në Uashington dhe samiti në Paris në lidhje me dialogun janë në koordinim të plotë mes SHBA-së dhe Bashkimit Europian.

?Në publik duken si dy procese të ndara, takimi në Uashington dhe samiti i Parisit. Nuk janë të ndara. Unë ju them me bindje të plotë që ka koordinim të plotë mes Uashingtonit dhe qendrave kryesore të BE-së në këtë proces. Unë e shoh rolin e BE-së dhe SHBA-së komplementare në këtë proces?, tha Hoti.

Ai u shpreh se përfaqësuesit europianë kanë pranuar që Kosova ka plotësuar kushtet që janë vendosur për liberalizimin e vizave. Ndër të tjera, Hoti tha se bisedoi me ta edhe për luftën ndaj pandemisë. Kreu i qeverisë kosovare u shpreh se duhet punuar që të përballohet vala e dytë e koronavirusit./tvklan.al
SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/

Recommended