Zgjedhjet parlamentare mund të mbahen më 5 korrik
- 4 years ago
Alsat jo zyrtarisht mëson se kryetari i LSDM-së, Zoran Zaev të hënën ka zhvilluar biseda telefonike me liderët politik dhe partnerët e koalicionit qeveritar dhe atyre parazgjedhor. 5 korriku mësohet të jetë propozimi i fundit i partisë në pushtet si datë për zgjedhje. Me këtë LSDM-ja dhe partnerët e koalicionit synojnë që si fillim KSHZ-së t?i jepen 35 ditë për përgatitjen e procesit zgjedhorë dhe të plotësojnë kërkesën e VMRO-DPMNE-së e cila është kundër zgjedhjeve në qershor.
Lidhur me dilemat juridike se si do të caktohet data e re zgjedhjeve, mësohet se kryetari i Kuvendit do ta ndryshojë vendimin për zgjedhje më 12 prill me datën e dakorduar, përmes ndryshimit dhe plotësimit të dokumentit administrativ. Gjendja e jashtëzakonshme e cila skadon më 30 maj nuk do të vazhdohet, ndërsa Qeveria do të kthehet në formatin teknik. Por është me rëndësi që data e zgjedhjeve të caktohet para 30 majit me qëllim që nga 31 maji të nisë rrjedhja e afateve për zgjedhje. Ky do të jetë propozimi i fundit i pushtetit për opozitën. Në rast se VMRO-DPMNE-ja mohon që 5 korriku të jetë datë për zgjedhjet, atëherë partitë politike do të marrin qëndrim të unifikuar për zgjedhje pa opozitën maqedonase.
Nga partia e Hristijan Mickoskit thonë se zgjedhje nuk mund të mbahen në qershor dhe se konsensusi për datë tjetër të zgjedhjeve është i domosdoshëm. Nga LSDM-ja i përkujtojnë opozitës se oferta për datë me konsensus vlen deri në përfundimin e gjendjes së jashtëzakonshme, duke mos mohuar kontaktet e liderit të partisë me liderët e tjerë politik. BDI vlerëson se 5 korriku është data e fundit logjike për zgjedhje parlamentare. Ndërkohë Aleanca për Shqiptarët dhe Alternativa kërkojnë që të gjitha subjektet të mbështesin 26 korrikun si datë për zgjedhje.
Nga kabineti i presidentit Stevo Pendarovski mbeten në qëndrimin se pa u përafruar qëndrime nuk do të ketë takim liderësh.
Se zgjedhje mund të mbahen në korrik, këtë e ngriti si mundësi edhe kryeministri i Kosovës, Albin Kurti. Deklarata e tij se Maqedonia e Veriut mban zgjedhje në korrik erdhi pak ditë pas bisedës telefonike që Kurti kishte me kryeministrin teknik Oliver Spasovski.
Adrian Kerimi
Lidhur me dilemat juridike se si do të caktohet data e re zgjedhjeve, mësohet se kryetari i Kuvendit do ta ndryshojë vendimin për zgjedhje më 12 prill me datën e dakorduar, përmes ndryshimit dhe plotësimit të dokumentit administrativ. Gjendja e jashtëzakonshme e cila skadon më 30 maj nuk do të vazhdohet, ndërsa Qeveria do të kthehet në formatin teknik. Por është me rëndësi që data e zgjedhjeve të caktohet para 30 majit me qëllim që nga 31 maji të nisë rrjedhja e afateve për zgjedhje. Ky do të jetë propozimi i fundit i pushtetit për opozitën. Në rast se VMRO-DPMNE-ja mohon që 5 korriku të jetë datë për zgjedhjet, atëherë partitë politike do të marrin qëndrim të unifikuar për zgjedhje pa opozitën maqedonase.
Nga partia e Hristijan Mickoskit thonë se zgjedhje nuk mund të mbahen në qershor dhe se konsensusi për datë tjetër të zgjedhjeve është i domosdoshëm. Nga LSDM-ja i përkujtojnë opozitës se oferta për datë me konsensus vlen deri në përfundimin e gjendjes së jashtëzakonshme, duke mos mohuar kontaktet e liderit të partisë me liderët e tjerë politik. BDI vlerëson se 5 korriku është data e fundit logjike për zgjedhje parlamentare. Ndërkohë Aleanca për Shqiptarët dhe Alternativa kërkojnë që të gjitha subjektet të mbështesin 26 korrikun si datë për zgjedhje.
Nga kabineti i presidentit Stevo Pendarovski mbeten në qëndrimin se pa u përafruar qëndrime nuk do të ketë takim liderësh.
Se zgjedhje mund të mbahen në korrik, këtë e ngriti si mundësi edhe kryeministri i Kosovës, Albin Kurti. Deklarata e tij se Maqedonia e Veriut mban zgjedhje në korrik erdhi pak ditë pas bisedës telefonike që Kurti kishte me kryeministrin teknik Oliver Spasovski.
Adrian Kerimi