الصور الأولى من خطوبة نجم "ستار اكاديمي"

نشر نجم "ستار أكاديمي" مينا عطا صوراً لخطوبته، كاشفاً تفاصيل عديدة عن علاقته بحبيبته "لي لي" من خلال كلمات مؤثرة أكد فيها أنه عاد إليها بعد إنفصال استمر لفترة. وكتب في حسابه على فايسبوك: "فاكرين يوم ما غنيت ف ستار اكاديمى ( الايڤال الرابع بتاع الامنيات ) اغنية لا تروحى و كانت امنيتى ان البنت الوحيدة اللى حبتها فى حياتى ترجعلى و نكمل حياتنا سوا ... الحمدلله من نعم ربنا عليا النهاردة انى اقدر اقول اننا رجعنا لبعض و اتخطبنا كمان و فرحنا بإذن الله قرب اولاً عاوز دعوة حلوة منكم لينا و ثانياً هما كلمتين احسن من ٢٠٠ عشان مابحبش اطول". وتابع: "و ليك هدف، امنية، حلم امسك فيه بايديك و سنانك و اوعى تقول مستحيل او مش هيحصل لان ربنا كبير اوى و عالم بنيتك و حالك و بيديك دايماً اللى انت محتاجه و المناسب ليك فى الوقت المناسب " وأضاف: "اما بالنسبة ل عشرة ال ١١ سنة حب و اللي استحملتني كتيييير و وقفت جمبي زمان كتيير اوى قبل اى شهرة و قبل كل حاجة ايام ما كانت بجد الحياة سودة و متقفلة ف وشي و مش عارف احقق اى حاجة احب اقولك لو لفيت الدنيا كلها والله العظيم عمري ما هلاقى زيك و عمري ما حبيت و لا هحب و لا عرفت حب بجد يعنى ايه غير معاكي ، انتي كل حاجة فى حياتي".