ఈజిప్టు దేశంలో అతి పెద్ద శవపేటిక

ఈజిప్టు దేశం అలెగ్జాండ్రియా నగరంలో ఓ చోట కొత్త భవనం నిర్మించేందుకు భూమిని తవ్విన పురావస్తు శాఖ అధికారులకు మైండ్ బ్లాక్ అయ్యింది. భవన నిర్మాణం కోసం లోతుగా భూమిని తవ్విన వారికి గ్రనైట్ రాయితో చేయబడ్డ ఓ పెద్ద శవపేటిక కనిపించింది. ఇది దాదాపు 2వేల ఏళ్ల నాటిదై ఉండొచ్చని పురావస్తు శాఖ అధికారులు చెబుతున్నారు.
8.69 అడుగుల పొడవు 6 అడుగుల వెడల్పు 5.41 అడుగుల ఎత్తుతో ఉన్న ఈ గ్రానైట్ శవపేటిక ఇప్పటి వరకు అత్యంత పెద్ద శవపేటికని అధికారులు తెలిపారు. 2000 ఏళ్లుగా భూమిలో ఉన్నప్పటి నుంచి దీన్ని ఒక్కసారి కూడా తెరచి చూడలేదని అయితే ఆ నల్లటి శవపేటికలో ఏముందో ఇప్పటికీ మిస్టరీగానే ఉన్నట్లు అధికారులు చెప్పారు.