轉載林凱欣
對方片段：
片主：屈我打尖
其實想屈我$13X4小巴車錢呢成家人
大本營上車去青山道
企人前面唔代表打尖嘅
同埋抱BB個位太太係企果一男一女後面
一有開個太太就講唔好打尖呀！
連前面果一男一女都打埋尖


為面包台擔任世界盃足球女神、擁有33C上圍的模特兒林凱欣，今年以36歲之齡推出第二本寫真。不過，近日網上流傳一條她乘搭小巴，與同車乘客鬧交的短片。片中有人指林凱欣上車時打尖，結果上車後林凱欣與乘客發生罵戰，舌劍唇槍各不相讓，相當激烈。

打尖爭議

罵戰甫開始林凱欣先介紹自己：「我叫林凱欣，凱璇門個凱，欣賞個欣。你哋想屈我十三蚊冇問題嘅。」然後有乘客指她打尖上車，林凱欣即反擊：「我咪話畀你哋上先囉，我都唔知咩事。我明明畀你上車，做咩話我打尖呢？」有乘客又指：「我抱住細路仔瞓着咗，等咗兩架車先上嚟，你就唔好打尖啦。」林凱欣則力辯：「我做乜要打尖呢？真係奇怪喇。」然後林凱欣突然揚聲：「呢個阿姐十三蚊我畀。」然後片段又有把女聲話林凱欣：「無啦啦話要幫我哋畀十三蚊，跟住又話我哋屈佢十三蚊喇，跟住仲搵人影我哋相，跟住又話報警話我哋一家騷擾佢。」

自爆電話號碼

其後片中有名男子叫林凱欣唔好嘈，林凱欣就話：「我係artist嚟嘅，你覺得有咩事我就開記招。」跟住就用自己手機開啟自己facebook帳戶展示畀人睇，仲叫人影低埋佢。片段長約十分鐘，最後林凱欣終於落車，仲將自己個手提電話號碼講埋出嚟，叫人有咩事可以搵佢咁話。

社交網發文反擊

林凱欣喺社交網都有講番件事，佢發文指：「其實嗰日呢我諗住行去小巴門口問司機呢度有冇旺角小巴，咁個阿嬸就以為我打尖，點知佢連一男一女都打埋尖。上到車我話個阿嬸做乜話我打尖，跟住女人又嚟喺度鬧，我先知道原來佢哋係一家人。其實我想（上）車都係同佢哋理論，咁就呃咗我13蚊搭呢架車同佢哋理論，你可以講返（番）我同你講嘅嘢畀你聽，其實係一場唔（誤）會，叫佢哋自己諗吓啦。我畀個電話個女人，我都係想佢哋冷靜番嚟打畀我，點知佢哋都post片。」

其後林凱欣接受東網訪問，指事件發生在星期一（6月11日），林凱欣昨晚已到警局備案，由於短片中她說出自己的電話號碼，她指這兩天被人電話騷擾，一日有近百個電話：「我係同佢講電話號碼，有乜可以搵番我，但無諗佢會照出街，好冇品。（你收到好多騷擾電話？）好多，有啲有來電顯示添！打嚟唔出聲又有，打嚟講猥瑣嘢又有，好無聊，兩日收到幾百個電話騷擾，所以去咗警署備案。」她說自己並沒有排隊打尖，只是上前問車長路被誤會，對於自認是藝人後，更加成為予頭，她說：「藝人唔一定就要畀你鬧，藝人就係做雞咩？好忟，我已經唔理佢，由得佢Po，嘈多幾日就冇嘢。（下次忍下氣？）好勞氣，全架小巴得七個人，大把位，我點解要打尖？有時排隊，我見老人家都畀人先。」
歡迎訂閱 Please subscribe!