သီတင်းကျွတ်ပိတ်ရက် အိမ်ပြန်သူတွေများလို့ ကားဂိတ်တွေမှာ လူတိုး

သီတင်းကျွတ်ပိတ်ရက်မှာ နယ်ပြန်သူတွေနဲ့ ခရီးသွားသူများတဲ့အတွက် ဒီမနက်ပိုင်း ကားဂိတ်တွေမှာ လူတွေ ကြိတ်ကြိတ်တိုးနေပါတယ်။ သီတင်းကျွတ်ပိတ်ရက် ငါးရက်ဆက်တိုက်ရတဲ့ ပထမဆုံးနှစ်ဖြစ်တာကြောင့် ကန်တေ့ာဖို့ အိမ်ပြန်သူတွေ၊ ခရီးထွက်သူတွေနဲ့ ရန်ကုန်မြို့ရဲ့ အဝင်အထွက်လမ်းတွေမှာ ကားတွေနဲ့ ပြည့်ကျပ်သွားခဲ့တာပါ။

ကားလတ်မှတ်မရတာ ကားမလုံလောက်တာတွေကြောင့်လည်း အခက်အခဲဖြစ်နေသူတွေရှိတယ်လို့ ခရီးသွားပြည်သူတစ်ချို့ထံက သိရပါတယ်။ ရန်ကုန်မြို့ကနေ မြန်မာပြည်အထက်ပိုင်းအတွက် ဝင်/ထွက်ရာ လမ်းကြောင်း ဖြစ်တဲ့ အောင်မင်္ဂလာဂိတ်နဲ့ အမှတ် ၃လမ်းတစ်လျှောက်၊ မြန်မာနိုင်ငံအောက်ပိုင်းကို ဝင်ထွက်ရာ လမ်းကြောင်း ဖြစ်တဲ့ လှိုင်သာယာက အမှတ်(၅)လမ်း တစ်လျှောက်မှာ ဒီနေ့ အောက်တိုဘာ ၄ ရက် မနက်ကနေ နေ့လယ်အထိ ကား တွေစီတန်း နေတာပါ။

သီတင်းကျွတ်ပိတ်ရက်အတွင်း ခရီးသွားများတာကြောင့် အောင်မင်္ဂလာအဝေးပြေးမှာလည်း လုံခြုံရေးနဲ့ ယာဉ်လမ်းကြောင်းရှင်းဖို့ အချိန်တိုးမြှင့်ဆောင်ရွက်နေတယ်လို့ သတင်းရရှိပါတယ်။

ပုံမှန်ရက်တွေမှာ ကားအဝင်အထွက်များတဲ့ ည၆နာရီနောက်ပိုင်းမှာ ယာဉ်လမ်းကြောင်းရှင်းတာကို ဆောင်ရွက်ပေမယ့် လက်ရှိမှာတော့ နေ့ညတာဝန်ခွဲပြီးဆောင်ရွက်နေတယ်လို့ တာဝန်ကျ ရဲတပ်သား တစ်ဦးကပြောပါတယ်။

ပုံမှန်ကားကြပ်လေ့ရှိတဲ့ ရန်ကုန်မြို့ထဲကလမ်းတွေမှာတော့ အသွားအလာကျဲသွားတာကြောင့် ကားလမ်းတွေရှင်းလင်းနေပါတယ်။

ရုပ်သံသတင်းထောက်-အိမ့်မြတ်နိုးဇော်