مصر يمه يا بهية .. حفلة الجزائر ... El Sheikh EMAM
- 7 years ago
كلمات أحمد فؤاد نجم
***
من حفل الشيخ أمام و أحمد فؤاد نجم في الجزائر عام 1985
يسبق كلامنا سلامنا يطوف ع السامعين معنا
عصفور محندق يزقزق كلام موزون وله معنى
عن أرض سمرا وقمرة وضفه ونهر ومراكب
ورفاق مسيرة عسيرة وصورة حشد
ومواكب ف عيون صبية بهية عليها الكلمة والمعنى
***
مصر يا مّة يا بهية
يام طرحة وجلابية
الزمن شاب و انتي شابة
هو رايح وانتي جاية
جايه فوق الصعب ماشية
فات عليكي ليل ومية
واحتمالك هو هو
وابتسامتك هي هي
تضحكي للصبح يصبح
بعد ليلة ومغربية
تطلع الشمس تلاقيكي
معجبانية وصبية
يا بهية
***
الليل جزاير جزاير يمد البحر يفنيها
و الفجر شعلة ح تعلا وعمر الموج ما يطويها
والشط باين مداين عليها الشمس طوافة
ايدك في ايدنا.. ساعدنا
دي مهما الموجة تتعافى
بالعزم ساعة جماعة
وبالأصرار نخطيها
***
مصر يا امّة يا سفينة
مهما كان البحر عاتي
فلاحينيك ملاحينيك
يزعقوا للريح يواتي
اللي ع الدفة صنايعي
واللي ع المجداف زناتي
واللي فوق الصاري كاشف
كل ماضي و كل آت
عقدتين والتالته تابتة
تركبي الموجة العفية
توصلي بر السلامة
معجبانية وصبية.. يا بهية
***
ويعود كلامنا في سلامنا يطوف ع الصحبة حلواني
عصفور محني يغني علي الأفراح من تاني
يرمي الغناوي تقاوي تبوس الأرض.. تتحنى
تفرح.. وتطرح.. وتسرح وترجع تاني تتغنى
اللي بنى مصر كان في الأصل حلواني
***
من حفل الشيخ أمام و أحمد فؤاد نجم في الجزائر عام 1985
يسبق كلامنا سلامنا يطوف ع السامعين معنا
عصفور محندق يزقزق كلام موزون وله معنى
عن أرض سمرا وقمرة وضفه ونهر ومراكب
ورفاق مسيرة عسيرة وصورة حشد
ومواكب ف عيون صبية بهية عليها الكلمة والمعنى
***
مصر يا مّة يا بهية
يام طرحة وجلابية
الزمن شاب و انتي شابة
هو رايح وانتي جاية
جايه فوق الصعب ماشية
فات عليكي ليل ومية
واحتمالك هو هو
وابتسامتك هي هي
تضحكي للصبح يصبح
بعد ليلة ومغربية
تطلع الشمس تلاقيكي
معجبانية وصبية
يا بهية
***
الليل جزاير جزاير يمد البحر يفنيها
و الفجر شعلة ح تعلا وعمر الموج ما يطويها
والشط باين مداين عليها الشمس طوافة
ايدك في ايدنا.. ساعدنا
دي مهما الموجة تتعافى
بالعزم ساعة جماعة
وبالأصرار نخطيها
***
مصر يا امّة يا سفينة
مهما كان البحر عاتي
فلاحينيك ملاحينيك
يزعقوا للريح يواتي
اللي ع الدفة صنايعي
واللي ع المجداف زناتي
واللي فوق الصاري كاشف
كل ماضي و كل آت
عقدتين والتالته تابتة
تركبي الموجة العفية
توصلي بر السلامة
معجبانية وصبية.. يا بهية
***
ويعود كلامنا في سلامنا يطوف ع الصحبة حلواني
عصفور محني يغني علي الأفراح من تاني
يرمي الغناوي تقاوي تبوس الأرض.. تتحنى
تفرح.. وتطرح.. وتسرح وترجع تاني تتغنى
اللي بنى مصر كان في الأصل حلواني