Humood AlKhudher - حمود الخضر - عين | 'Ain | من ألبوم #أصير_أحسن

Humood AlKhudher - 'Ain. From the new album "Aseer Ahsan"

كلمات "عين" :

عين، ما صلت على النبي، طماعة تبي وتبي
ما تحمد الله وتشكره تسأل عن حظها وين
عين، ما خلت حد فحاله، ولو كانت باحسن حاله
تصيد اللي متهني ومستانس وتصكه بعين
عين، تحرق قلبك عالفاضي، وتحرم عينك نوم العين

لا لا لا ما تسوى الدنيا تضيق خلقك
الحمدلله، ما حد بياخذ منك رزقك
هدّي وارتاح، ثابر واطمح من حقّك
بس بلاش العين

قـــول، لو عينك شافت نعمة، عوّدها كم من كلمة
بسم الله، ماشاءالله، لا قوة إلا بالله
قـــول، الله يزيده ويعطيني، ولا يحرمني ويغنيني،
وباللي عندي يرضيني ويكتب لي اللي يرضاه
قـــول، كررها وصفّ النية، تتهنى باللي تلقاه

من جدّ وجد، هذا اللي تعلمناه واحنا صغار
ومن حسد عاش بنكد، هذا اللي تعلمناه واحنا كبار

كلمات: سيف فاضل
ألحان: Ömer Ergin - Tayfun Turan
توزيع: Mustafa Ceceli
مكس: Koray Püskül