WARDA : Abl Al Nahar Da / وردة .. قبل النهاردة

WARDA AL JAZAYRIA
174
1 624 vues
  • Infos
  • Exporter
  • Ajouter à
مطربة الأجيال وردة
قبل النهاردة
كلمات عبد الرحمن الأبنودي - ألحان عمارالشريعي

انا ياما قلت خلاص وقلت فات الوقت
اتاري عمري يا ناس يبتدي دالوقت
وكإني اول مره بتبسم وكإن عمر القلب ما اتالم
بتعلم الدنيا من الاول من الاول واغني من قلبي وأتكلم

وكلمه قلتها قبل النهار ده ما هيش صوتي وانا ما قلتهاش
وضحكه صحكتها قبل النهار ده ماهيش مني وانا ما ضحكتهاش
وايام عشتها قبل النهار ده ماهيش عمري وانا ما عشتهاش
حبيبي معاك يا حبيبي عرفت ارتاح واهدى
وقبلك دنيتي يا حبيبي انا ما عرفتهاش
وقبلك كله مش محسوب علي وقبلك ضاعت الايام بلاش

حبيبي الفرحه لما جيت و جاتني نسيت م الفرحه اندم عاللي فاتني
وليه اندم وانت اندم وانت باعتني الدنيا وانت اللي اشتريتني
ورديت اللي ضاع مني ف ثواني وخليتني كاني حد تاني
ده ما فيش للفرحه تاني مكان في قلبي وكإن الفرحه مخلوقه عشاني
و قال علمت كل الدنيا تفرح اتاري الفرحه انا ما فرحتهاش
لاقيت الفرحه ساكنه ف قلبي صدفه صدقني انا ما اخترتهاش
وما تمنيتشي حاجه زيك انت وحتى في المنام ما احلمتهاش

اتاري احلى كلمه يا حبيبي في صوتي هي كلمة يا حبيبي
وبتعلم معاك احب عمري وبتعلم معاك ارضى بنصيبي
ما نيش عايزه من الدنيا دي حاجه حبيبي اداني منها كل حاجه
اتاري الحب غير ما عرفت خالص واتاري العمر قبله لا راح ولا جاء
يا غنوه حب ما تغنتش قبلي ومن قبلك انا ما سمعتهاش
يا جنه مجمعه الافراح في صحبه ومن قبلك انا ما دخلتهاش
و قال كان قلبي عايش قبل منه واتاري قلبي عمرو ما يوم ما عاش

نورنا يا قلبي شمهه كنا طفيناها وقلنا كلمه زمان كنا نسيناها
وقلنا عشنا السنين واتارينا مش عارفين ان السنين لسه لينا فيها احلاها
مين اللي خلا الليالي تبتسم تاني مين اللي هز القلوب تاني وصحاها
وقلبي يا ناس عاللي بيعرفوني دول معاهم حق لما لما يحسدوني
طب اعمل ايه اخبي ازاي وليه اخبي
ماانا لو اخبي يا قلبي تفضحني عيوني

0 commentaire